ਦੋ ਸ਼ਬਦ…

ਡਾ. ਕੁਲਜੀਤ ਸਿੰਘ ਜੰਜੂਆ
ਸਰਪ੍ਰਸਤ
(‘ਪੰਜਾਬੀ ਨਕਸ਼’ ਅੰਤਰਰਾਸ਼ਟਰੀ ਸਾਹਿਤਕ ਮੈਗਜ਼ੀਨ, ਕੈਨੇਡਾ)

‘ਪੰਜਾਬੀ ਨਕਸ਼’ ਦਾ ਮੌਜੂਦਾ ਅੰਕ ਭਾਰਤੀ ਰਹਿਤਲ ਦੀ ਵੰਨ-ਸੁਵੰਨਤਾ ਦਾ ਧਾਰਨੀ ਹੈ। ਭਾਰਤੀ ਸੁੰਦਰਤਾ ਇਸ ਵੰਨ-ਸੁਵੰਨਤਾ ਨਾਲ਼ ਹੀ ਹੈ ਪਰ ਅਜੋਕਾ ਦੌਰ ਇਸ ਵੰਨ-ਸੁਵੰਨਤਾ ਦਾ ਮਲ਼ੀਆ-ਮੇਟ ਕਰਕੇ ਬਾਜ਼ਾਰ ਦੀ ਸਥਾਪਤੀ ਦਾ ਹੈ, ਜਿਸ ਦੇ ਅੱਗੇ ਪਹਾੜ ਵੀ ਨਹੀਂ ਅੜ ਸਕੇ। ਹਾਲ ਹੀ ਵਾਪਰੀਆਂ ਦਿਲ ਦਹਿਲਾਊ ਘਟਨਾਵਾਂ ਇਨ੍ਹਾਂ ਹਮਲਿਆਂ ਦੀਆਂ ਤਾਜ਼ਾ ਉਦਾਹਰਣਾਂ ਹਨ। ਵਿਸ਼ਵ ਮੰਡੀ ਦੇ ਇੱਕ ਟੂਲ ‘ਚ ਵਟਣ ਤੋਂ ਬਚਣ ਲਈ ਲਾਜ਼ਮੀ ਹੈ ਇਨ੍ਹਾਂ ਹਮਲਿਆਂ ਦਾ ਹਰ ਪੱਧਰ ‘ਤੇ ਵਿਰੋਧ ਕਰਦਿਆਂ ਮਨੁੱਖ ਦੀ ਅਸਲ ਕੀਮਤ ਨੂੰ ਸੁਰੱਖਿਅਤ ਕਰਦਿਆਂ ਉਸ ਨੂੰ ਇਨ੍ਹਾਂ ਸੰਕਟਾਂ ਪ੍ਰਤੀ ਸੁਚੇਤ ਕੀਤਾ ਜਾਵੇ। ਉਪਰੋਕਤ ਵਿਚਾਰ ਨੂੰ ਕੇਂਦਰ ‘ਚ ਰੱਖਦਿਆਂ ‘ਪੰਜਾਬੀ ਨਕਸ਼’ ਮੈਗਜ਼ੀਨ ਦਾ ‘ਹੋਰ ਭਾਸ਼ਾਵਾਂ ਦੀਆਂ ਕਹਾਣੀਆਂ ਦਾ ਵਿਸ਼ੇਸ਼ ਅੰਕ’ ਪੇਸ਼ ਹੈ। ਮੈਂ ਸਮੁੱਚੀ ਟੀਮ ਨੂੰ ਇਸ ਬਹੁਮੁੱਲੇ ਕਾਰਜ ਲਈ ਵਧਾਈ ਦਿੰਦਿਆਂ ਸ਼ੁਭਕਾਮਨਾਵਾਂ ਭੇਟ ਕਰਦਾ ਹਾਂ।