ਜਸਪ੍ਰੀਤ ਬੈਂਸ

ਦਿਲ ਦੀ ਹੂਕ

ਦਿਲ ਦੀ ਹੂਕ
ਜ਼ੁਬਾਨ ਦੀ ਚੀਕ ਨਹੀਂ ਬਣੀ
ਜ਼ਿਹਨ ਦਾ ਦਰਦ
ਅਜੇ ਵਿਰਲਾਪ ਨਹੀਂ ਹੋਇਆ
ਆਂਦਰਾਂ ਦੀ ਖੋਹ
ਅਜੇ ਉਵੇਂ ਹੀ ਖਿੱਚ ਪਾਉਂਦੀ
ਅੱਖਾਂ ਦੇ ਹੰਝੂ
ਦਿਲ ਵਿੱਚ ਧੁਖਦੇ ਅੰਗਿਆਰ ਨੇ
ਹੱਥਾਂ ਦੀ ਪਕੜ
ਸਭ ਕੁਝ ਨੂੰ ਛੱਡਣ ਨੂੰ ਤਿਆਰ
ਪੈੜ ਚਾਲ ਅਜੇ
ਥਿੜਕ ਜਾਂਦੀ ਹਰ ਆਹਟ ਨਾਲ
ਜਿਊਣਾ ਹਰ ਰੋਜ਼
ਉਸ ਇੱਕ ਮਰਨੇ ਦੀ ਪਰਿਕਰਮਾ
ਉੱਥੇ ਰੋਜ਼ ਦੇ ਮਰਨੇ ਵਿੱਚ
ਬਿਰਹਾ ਨੂੰ ਸੁਲਤਾਨ ਕਰਨਾ ਔਖਾ
ਬਿਰਹਾ ਦੀ ਸਦੀਵੀ ਸਲਤਨਤ ਵਿੱਚ
ਸੁਕਰਾਤ ਤੋਂ ਉਰਾਂ ਕੋਈ ਮੁਕਾਮ ਨਹੀਂ